Kut A Ngeilo Mi Mg Ye Naing Taanghra A Domh Ve Cang

Ayeyarwaddy ramtthen, Pathein khayaing, Kyaung Gung peng Gun Kyi khuate ah ummi Mg Ye Naing hi a chuahka ah kut ngeilo in a rak chuak mi a si. Kut a ngeih lo buin ca aa zuam peng i a tu 2018-2019 ca cawn kum ahcun tanghra kai dingin sianginn ah ap a si ve cang.

Mg Ye Naing a nu le a pa hi kuli rian a um chom mi poah a ttuan mi an si i an fate fimcawnnak caah tiin an rianttuan mi ahcun zaanghlei an cawi ve. Mg Ye Naing hi a chuahka teiin kut ngeilo mi a si caah a ke in ca a ttial mi a si. Tangkua voikhat a sungh mi dah tilo cu a dang cataang cu tluang tein a awng dih ve hna.

Kyaung Gung peng Gun Kyi khuate in meng 4 hrawng aa hlatnak Pan Ta Naw peng Inn Mah khua high school sianginn ah nulepa nih sianginn an chiah ve hi a si i a pa nih cycle in a va thlahdon tawn. 2018 June thla ni 1 in khan cuka sianginn ah ca a cawng ve cang i a sianginn lei herhhai sanh le chuah cu sayamah te le a kai tti hawi pawl nih an tuah piak tawn pinah amah dang tein cabuai le tthutdan zong an chiah piak rih.

Ref:YL

Leave a Reply

Your email address will not be published. Required fields are marked *