A Hlawt Takmi A Fate Cu A Cal Ah A Hnamh I Biakinn Chung Tthutdan Cungah A Ngol Tak

India ram Kerela khua ah patung pakhat nih a fate cu biakinn chung a ngol tak lai teah a cal ah a hnamh tak. Hi kum 32 patung pa nihhin zapi hngalh tein a pali nak fa an ngeih mi nih theih sual lai phan ah hi thil a tuah nak chan a si zong kha palik sin ahcun a chim. Cuka biakinn a hngak mipa nih hi ngakchia te hi kan hnulei ni 4 ni ahkhan biakinn chung ahcun a hmuh i palik pawl a chawnh colh hna.

Palik pawl nih cuti nau a ngol tak mi pa cu CCTV hmangin an kawl i an fate a hlonhtu hna hi Bitto le a nupi Prabitha kum 28 an si kha an theih khawh hna. Palik nih an hun kawl hna i kan hnulei ni 5 ni zinglei ahkhan India ram Edappally khua ah an tlaih hna. A fate biakinn chung a va ngol taktu Bitto nihhin an fate cu biakinn chung tthutdan cung a chiah lai te ah a cal ah a hnamh tak i cuticun tthutdan cung ahcun a ngol tak.

A hun kaltak hnuah ah hmailei i a hmuh khawh lem ti hngalo mi a fate cu siaherh ngai khin hnu her in a zoh tak rih. Prabitha nihhin a fate hi sizung ah ttha tein a ngeih mi a si ko nain a hnuah an fate cu hlawt dingin an pa he khua an khan tthan hi a si. Palik nih an tlaih khawh hna hnu ah nupa hna nihhin “mi nih fa pa 4 an ngei tiin an kan soisel lai” ti an phan ruangah an fate an hlawt tak mi a sinak kong zong kha palik hna sin ahcun an chim. Ngakchia te cu sizung nih an zohkhenh chung i nupa hna zong a herh ningin tazacuai le dantat dingin an tawlrel cuahmah hna.

Ref:Dailymail

Leave a Reply

Your email address will not be published. Required fields are marked *