A Nungak Hlun Meithal In A Kah Khawh Hnuah Amah Le Amah Aa Kap Ve

Thailand rammi Pukkapong Chittarom timi kum 24 pa nih Natchareeya Thaprajit tiah kawhauh mi a nungak hlun cu lam an i tthen hnu zongah a philh kho hrim lo. Hi ruangah Chittarom nih a nungak hlun Thaprajit college a kai lio minu cu i duhdaw tthan dingin a zulh khalh i a nawlpat lengmang. Asinain Thaprajit nihcun a duh tilo pinah fak ngaiin cuti a zulhkhalh nak cu a al peng i mithmai ttha a pe duh tilo. Cu ruangah Chittarom i a duhdawtnak cu thil tthalo tuahnak lam lei an hun hoih.

Nikhat cu Chittarom nih Thaprajit he biaruah tthan dingin a nungak umnak inn kutta hram leiin a va hngah tthan. Thaprajit hi Thailand ram Suan Sunandha Rajabhat sianghleirun ah a kum thumnak ca a cawng liomi a si. Thaprajit le a hawinu pakhat cu an sianginn pawng inn an hlannak an inn in an rak chuah tlawmpal ah a tlangval hlun Chittarom nihcun bia i ruah ta dingin a chimh chawnh tthan. Thaprajit nih cuti bia ruah ding cu a duhlo i a al caah Chittarom nihcun a tai i aa tenh mi meithal i chuah in Thaprajit cu a thin hmaka ah a kah colh. Cu le cangka a nungak ruak cu a va naih i meithal par cu a ka ah hmawm in aa kap colh ve. Thaprajit cu a thin hmaka a khen ruangah a nunnak a liam colh.

Chittarom tu cu a dang lei i kah lo in a hmai vun lei i a rak i kah caah aa kap that manh lo. Palik nih Chittarom hi an tlaih cang i a meithal hliamhma zong cu an thlopbul cuahmah i a nunnak ca cun thinphang a si tilo tiah an chim. Hi thil a can lio ahhin Thaprajit a hawinu te hi an pawng ah a um ve ko nain hi thil tiangtiang a chuak lai ti cu a rak ruat ve lo.

Chittarom le Thaprajit hi kum 5 chung hrawng aa duhdaw mi nungak tlangval an si i an karlak ah biaal nak tete a rak um pah lengmang ruangah lam an rak i tthennak hi a si. A nungak a kah thatnak meithal zong palik nih an fim cang i cuticun a rauh hlan ah biaceihnak zung chuahpi dingin an timtuah tiah theih a si.

Shwemom

Leave a Reply

Your email address will not be published. Required fields are marked *