Manny Pacquiao Nih Inn Le Hmun Pek Dingin Bia A Kamh Mi Ice Cream Zuartu Pa Le A Chungkhar Cu

Kan hnu zarh hrawng ahkhan Manny Pacquiao nih lamkam i ice cream a zuar mi tarpa cu tangka a tthenh pinah ah inn le hmun pek dingin bia a rak kamh. Cuti bia a rak kamh mi inn ahcun June ni 2 ahkhan an chungkhar ning in tthial an si cang hna. Ice cream a zuarmi tarpa hi Manong Lino kum 74 a si i a nun caan chung tam deuh hi vanchiatnak nih a tlunh tiah GMA News nih an rak ttial.

Asinain Pacquiao he an i ton cu a caah vantthat nak ni a tlan bantuk khi a si ve. Manong Lino hi lephiat zawtnak nih a tlunh hnawh i a dam thian hlan deuh ah chungkhar pumpawcawmnak caah tiin ice cream cu zuar hram a thok tthan. Cu lio ah Pacquiao he an i ton hi a si. Pacquiao he bia tlawmpal an i ruah hnu ah an sining a theih hna i tangka a tthenh pinah inn le hmun tiang a pek nak hna hi a si.

An inn thar ahcun Pacquiao nih a va kal pi hna i cuticun chungkhar hna cu bia zong a va ruah hna. An sifah tuk ruangah anmah tein thil herhhai an i zalh kho lai lo tiin inn cungtang a herh mi thil tam deuh zong kha a cawk piak cia rih hna. A thiltuah upat lo awk a ttha hrim lo.

Ref: Jenmanilay


Leave a Reply

Your email address will not be published. Required fields are marked *