A Thi Tiah An Ruah Ruangah A Chungle Nih A Nun Buin An Phum, Suimilam 8 A Hun Rauh Hnuah

Ngakchia chuakka te pakhat cu vawlei tang ah suimilam 8 chung phum a tong nain khuaruahhar ngaiin a nunnak a rak liam lo. Kan hnulei nithum ni zaan 10PM hrawng ahkhan Brazil ram ah vawlei puan nawn te pe 2 hrawng a thuk mi khor chungin bawhte pakhat cu an chanhchuah. Video chung a rak langh ningah bawhte an phumnak khor cu mi cheukhat nih khupbil in an hlai len ko. Mui lak pi ahcun tlawmpal ah mei an rak chuah pi i bawhte lu cung ummi vawlei zong kha an thianh piak len rih.

Hi ngakchia te hi a chuakka te ah a chungle nih a thi cang tiah an ruah i vawlei ah a phum nak hi a si. Vawlei lei in ngakchia hram le ttah thawng bantuk palik nih an theih ruangah an khamh khawh tthannak hi a si. Ngakchia te cu suimilam pa 8 chung vawlei chung ahcun a um i a laihri tan te he a rak si rih. Vawlei chung sau tuk a um ruangah thawhchuah dawp aa harh i sizung ah an kalpi colh. Sizung nih a thawchuahnak lam ttha tein an thian piak hnuah Oxygen an pek chom rih. Sizung nih ttha tein an zohkhenh hnuah ngakchia te cu khuaruahhar ngaiin an hun i sihkhah khawh tthan i a nungdam tthan.

Ngakchia te a nu hi kum 15 minung te a si i nau hi takkholhnak khan chungah a ngeih tiah an chim. Ngakchia te cu ruah lo piin a chuak i a lu hi zel ah aa suk caah ttal kholo in a um. Cu ruangah an pi nih a thi cang tiah a rak tinak chan hi a si. Cu ruangah anmah ram phung ning tein ngakchia te cu puan in an tuam i an inn hnulei dum chungah khor cawh in an phumnak hi a si. Vawlei tang ah suimilam pa 8 chung a um cang nain a rak nungdam rihmi ngakchia te kongah palik pawl zong nih khuaruahhar ngai mi thil a si tiin an rak chimcaih cio ve.

Ref: Shwemom

Leave a Reply

Your email address will not be published. Required fields are marked *