Rawl Kan In Dangh Hna Lai Tiin Kawl Ralkap Lungtlinpi nak Puai an Tuah Pi Hna, Rawl An Dangh Tak Hna Lo Caah Khuabawi An Au Hnawh

Taung Gyi khua ah tuahmi ralkap lungtlin pi nak (thotkhaanpuai) puai ah rawl kan in dangh hna lai tiin khuami cheukhat cu an lem hna hnuah rawl an dangh tak hna lo. Cu ruangah a paw ttam ngaimi khuami pawl cu an thin a hung ngai tiah khuami pakhat nih a chim. Cuti kawl ralkap thotkhaan puai a kal mi khuami hna cu rawl loin cu ni cu an um hna ruangah khuabawi cung duhlo nak langhternak caah tiah social media kip ah video he hmanthlak he thil sining kong cu an rak thlah cio.

Kawl ralkap lungtlinpinak aupi ruah ah a kal vemi Tanuaikha khua in U Kyauk nih “nizaan i khuabawi pa nih a kan sawm ahcun rawl kan in dangh hna lai rak i tel ve hrimhrim uh a kan ti. Kan khua hin a hlat pah caah zing pa 9 in zeihmanh ei lo bakin kan pawk hna. Kan hun phak cu rawl a kan phaw te hnga maw tiah kan hngah len nain zaanlei 1 in pa 2 tiang an kan phaw tilo. Hi ruangah khuami pawl cu an thin a hung i khuabawi pa sandah an piah hnawh nak hi a si” tiah a chim.

Ralkap thotkhaan puai lam zawhnak cu Mumin guun sianginn in Bogyoke lampi an zul hna i khua lai ummi zaangleknak inn pakhat ah biachimnak zong an tuah hna tiah theih a si. U Kyauk nih “rawl kan in pek hna lai an ti i an kan pek tak lo caah rawl loin kan vai hna. Ralkap lung kan tlinpi peng hna ahcun kan paw ttam deuhdeuh lai tinak a lang chin. Kan khua in minung 1000 kai ding in an kan fial. Kan duh na loin kan rak kai hna” tiah a thinkhenhnak kong cu lungfak ngaiin a rak chim.

Hi ralkap lungtlinpi nak puai ah rawl dangh hna dingin chimh chawnh an si caah a cheu cu anmah tangka hmang in khuapi ahcun an kai hna tiah theih a si. Khuabawi pa sandah an piah hnawhnak video zong social media cungah an zamh mi a um len.

Ref:thithtoolwin

Leave a Reply

Your email address will not be published. Required fields are marked *