Mi Thinlung A Tawng Ngaimi Hmanthlak Pakhat

Hi hmanthlak hi Philippines ram social media lakah a laar ngai mi hmanthlak pakhat a si. Nupa tuah khat hna nih thil an zuar tawnnak an leeng ah an fale te cu an it ter hna i an thil zuar pah in an zohkhenh pah hna. An pa hi fungvei rawh hnuah a zuar mi a si i an nu hi fale zoh pahin thingthei a zuar ve mi a si.

Hi hna chungkhar hi Shair Joy Mendelez timi nu nih hman a rak thlak hna i “all about the philipines” timi facebook page ah a rak taar. Hi thil a cannak hi Philipine ram Manila khua Divisoria market ah a cang mi a si tiah Joy nihcun a rak langhter. Fale zohkhenh piaktu an ngeih lo caah ahhin nupa hna nih an fale cu rianttuannak ah an i kalpi tawn hna hi a si.

An chungkhar konglam social media cung a hun vah hnu ahhin mipi thinlung a laak tuk. Joy chim ningah “market kaa chawh len ko lio ah thingthei an chiahnak leng cu ka hei hmuh i arr ko in a ka chiah. Cu ruangah ka hei naih hna i an konglam cu ka hal hna. Cu lawngah nau zohkhenhtu an ngeih lo ruangah hiti an fale rianttuannak ah an i kal pi hna cu ka theih” tiah a chim. Cu hnuah Joy nih Fungvei rawh mi pa 5 le thingthei an zuar mi cu 3 kg a cawk ve hna.

Ref:allaboutphillipines

Leave a Reply

Your email address will not be published. Required fields are marked *