“Ka Nun Chung Hrimhrim Ka Sin Ah Rak Kir Ti Hlah” Phyo Ngwe Soe

Kawlram actor hna lakah Phyo Ngwe Soe hi nihchuak mi video pawl aa thlak mi a tam ngai ruangah mipi nih tha an pek i an uar ngaimi actor pakhat a si ve. Anih hi lem a can ningcang zong aa phundang ngai ve pinah lem can zong a thiam i mi thinlung laak ngai in lem a cang thiam.

A hlan ahcun nupi le a fapa te he chungkhar nuam ngaiin khua a sa mi asi ko nain nai te ahkhan an chungkhar kongah buaibainak a um ttheo lai tiah ruahmi ca cheukhat cu a facebook fak ngaiin a rak ttial ve.

A ttial mi cu “kan tei na sung cang. Nifatin, caan fatin na ka teinak hi kum 15 chung a si cang. A tu cu keimah caan a si ve cang. Va thi law ka nun chung hrimhrim ka sin ah rak kir ti hlah. Nangmah tello cun ka si kho lai lo tiah ka hruh lio ah ka rak ruat nain a tu cu ka hrut tilo” tiin fak ngaiin a rak ttial.

Amah he lem a cang tti mi actor le actress cheukhat hna zong nih na fa mithmai zoh in tuah khawh i zuam tiin le a cheu nih na mawh lo na biachah mi hi a dik ko tiin comment an rak pek ve hna. Hi thil kongah a fiang mi thawngpang a chuak rihlo nain amah ttanhtu mipi pawl nihcun chungkhar kongah tlamtlinlonak a um tak si cun rianrang in tlamtlinnak ngei tthan hna seh tiin saduh zong an rak thah piak cio hna.

Ref:Phothutaw

Leave a Reply

Your email address will not be published. Required fields are marked *