Humulin Khua Tilawng Lehnak Ah A Nu Kut In A Tawlh Sualmi Ni (19) Bawhte Pate Cu

Humulin khua Courrier Line tilawng a hme deuh mi cu ruah lo piin aa let sual i minung 25 aa cit mi hna lakah minung pakhat a nunnak a liam tiah theih a si. Hiti tilawng aa lehnak hmun ah thil khuaruahhar ngai a si mi pakhat a cang.

Thil sining ah tilawng aa cit ve mi nu pakhat nih ni (19) te lawng a si rih mi a fapa te cu a phei cungah a pom. Ruah lo piin tilawng cu aa leh caah a fa te cu a nu kut in a tawlh sual i ti chung ahcun a va tla ve. Khuaruahhar ngaiin ngakchia zuun cet tik ca i an hruk mi a diaper nih ngakchia te cu ticung ah a vuanh ter.

Cu ruangah ti cung a vuan mi ngakchia te a hmutu hna nih rianrang in an va zuanhnawh i an khamh manh. Hi ngakchia te hi nungdam in cun an khamh manh nain a cuap chung ti a luh caah sizung ah an zohkhenh cuahmah lio a si tiah theih a si.

Ref: Phothutaw

Leave a Reply

Your email address will not be published. Required fields are marked *