A Pa Nih Hliamhma Fak Pekin A Velh Pinah Thir Cikcin In A Hren I Thil A Suk Ter Rih

A pa nih a velhnak hliamhma ruangah a mit hmanh tthittha in a au kho tilo mi ngakchia nute hmanthlak cu zoh har tuk a si ko. Hiti a pa nih fak tukin a velh hnu ahhin thir cikcin in a hren i ek inn ah thil a suk ter rih tiah hman a thlatu nihcun a chim.

Ngakchia nute nihcun a kut hliamhma fak ngai a tuar bu cun a pa thil cu a suk piak rih. Hi ngakchia nute hi an inn ah a va leng mi chungkhat pakhat nih a sining a hmuh i hman a rak thlak hi a si. Ngakchia nute cu a mithmai a phin dih pinah an duk hna i a keng zong ah kuat mei in duahnak hliamhma in a khat rih.

Cuti hman a rak thlatu nihcun “a pa nihhin hiti a velh hnu zaanlei 6 in 7 kar hrawng ah khan inn ahcun thir cikcin in a hren i leng ah a chuah tak rih. Zaan pa 10 in 11 kar hrawng ah inn a rak hlam i cu hnu lawng ahcun rawl a pek” tiah a chim. Ngakchia nute a pa hi zu nih a lem cang mi a si tiah theih a si.

Ngakchia nu hman a thlatu nihcun palik sinah report a tuah colh hna i ngakchia nu a umnak Tuluk ram Guiyang peng Qingzhen khua an inn ahcun suimilam pakhat hrawng a rauh hnu ah palik cu an va phan. Ngakchia nu a pa hi vawlei cawhnak seh a mawng mi a si i palik nih an tlaih cang tiah theih a si. Ngakchia nu zong cu sizung ah an thlopbul cuahmah lio a si tiah metro thawngzamhnak nih an langhter.

Ref:Metro

Leave a Reply

Your email address will not be published. Required fields are marked *