Russia Nih An Tei Hna Ruangah Saudi Arabia Pumpalulh A Chuih Mi Minung 3 Dantat An Timh Hna

Saudi Arabia pumpalulh lei lutlai Adel Ezzet nih World Cup On ni i Russia nih an tei mi hna Saudi Arabia pumpalulh chuihtu hna cu kan ram an kir tikah dan tat an si lai tiah a chim. Russia le Saudi Arabia cu kan hnulei nili world cup on ni ahkhan a voikhat nak pumpalulh chuih ah an i ton hi a si.

Inntek Russia nih Saudi Arabia cu kawl 5 in an tei hna. Ezzat chim ningah Saudi Arabia pumpalulh a chuihmi hna lakah a thiam lo bikmi minung pathum cu dan kan tat hna lai a ti hi a si. Ezzat nih “kan sungh ruangah kan lung rawk tuk. Kan i timlamh tluk in kan ttha lo. A phichuak kan i lungsi lo tuk” tiah a chim.

Ezzat nih “pumpalulh a chuihmi minung pathum cu dan kan tat hna lai. Kawl a bawh mi Abdullah Al-Mayouf, hmaikal Mohammad Al-Sahlawi le hnukham Omar Hawsawi hi dan kan tat hna lai” tiah a chim. Zeitin dantat an si lai ti cu fiang in a chim lo nain mi tampi cu an lung ttha lo ngai cio.

|DM

Leave a Reply

Your email address will not be published. Required fields are marked *