Lim Pi Hman Thlak Pi A Timh, Cawn Tlawmpal A Hun Rauh Ahkhin/Video

Thingram zohkhenhnak lei zung rianttuanmi bawi pakhat nih harsa ngaiin an va khamhmi lim pi cu hman thlak pi a timh nain lim pi nihcun ngerh tu a hun timh. Thingram zohkhenhnak lei zung rianttuanmi bawi Sanjoy Dutta hruainak in India ram nitlaklei Bengal, Jalpaiguri peng tupi chungah meter 10(pe 32 hrawng) tluk a sau mi lim pi pakhat cu an va khamh.

Cu lim pi cu an tlaih khawh hnuah Mr Sanjoy Dutta nih hman i thlak pi dingin a liang cung ah a hun chiah i cu lioah mipi nih hmanthlak cio dingin an hun zoh dih. Asinain lim pi nihcun caan rau lo teah a hngawng a hun ngerh i reh that a hun timh colh. Hiti lim nih ngerh a hun timh taktak ahcun Mr Sanjoy cu thinphang thlalau khin a um ve ko.

Cu hnuah a pawng ummi pawl nihcun an hun bawmh i a hngawg in ngerh a timtu lim pi cu a mei lei in mi pakhat nih a hun tlaih piak ve. Hiti limpi a hngawng an chiah lio ahhin Mr Sanjoy cu mipi nih mi ralttha pa tiin an au hnawh len. A hngawng ngerh that a timh zong ahhin “thlah ko uh zei a cang lai lo” tiah a bawmtu pawl cu Mr Sanjoy nih a ti len rih hna. Cu hnuah lim pi cu tupi a chah nak lei deuh ah an va thlah tthan tiah theih a si.

Ref:Dailymail

Leave a Reply

Your email address will not be published. Required fields are marked *