Amah Ruakvui Ni Ah A Rak Chuaklang

Kum 20 minung tlangval note pakhat nih a chungkhar pawl cu amah ruakvui ni ah khuaruahhar in a tuah hna. Juan Ramon Alfonso Penayo kum 20 cu meithal hliamhma in a thi cang tiah chungkhar hna nih ngaihchia in a ruakvui dingin an timhlamh.

Paraguay ram Amambay peng Santa Teresa khua pakhat i misual pawl i kahnak ah Juan hi aa tel ve i a thi cang tiah an ruahnak hi a si. Thawngzamhnak pakhat perfil.com ttial ningah Juan a ruak a kang dih mi cu an hmuh cang i amah a si a fian hnuah an vui cang tiah an rak ttial. Juan cu a rak nung ko nain a thih le a nun kong cu zarhkhat chung bak chungkhar theihternak a rak tuah hna lo.

Palik bawi Candido Figuererdo chim ningah Juan hi kan hnulei ni 4 ni in khan inn in a chuak i inn a rak hlam tilo tiah a chim. Cuti chungkhar pawl ngaihchia mitthli tla in an ttah ko lio ahcun Juan hi inn a rak hlam tthan hi a si. Juan a thi cang tiah an ruah nak Amambay hi Brazil ramri a si i cuka ahcun misual, rithaisi le mi cawkzuar nak tiang tamtuk thil tthalo a um tiah theih a si. Hi ruangah chungkhar niha thi ko tiah an rak ruahnak hi a si. Juan a chungkhar hna nih a ruak an suan mi tu hi cu a ho a si an rak langhter lo.

Ref:Metro

Leave a Reply

Your email address will not be published. Required fields are marked *