FDA Zung Rianttuan Minu A Tlaihhrem Hnuah A Thattu Pa Thih Dantatnak An Pek Ve Cang

Kawlram FDA zungah upa pakhat a si ve mi Ma Shwe Yi Win a tlaihhrem hnuah a thattu Myo Zaw Oo cu a sualpuhnak a dik ko tiin Khayaing biacaih zung nih thih dantatnak an pek ve cang tiah theih a si. A sualpuhnak hi a fian ko caah tiin Yangon nichuahlei ramtthen khayaing biaceih zung nih thihdan an pek hi a si. Myo Zaw Oo hi nihin June 22 zinglei 10 ahkhan Yangon nichuahlei ramtthen biaceihzung biacaih bawi nih bia a khiah piak cang hi a si.

Myo Zaw Oo hi hramhram in mi thil chuh, tlaihhrem le mi that sualpuhnak in tazacuai a si i cu ruangah thihdantaknak an pek hi a si. June 18 an biacaih lio bia ning zulhin biacaihtu nih nihin June 22 ah bia a khiah piak hi a si. FDA zung rianttuan minu hi kan hnulei January 20 ahkhan Hletan in inn a ttin leiah a tlau.

January 21 zinglei 6 hrawng ahkhan a ruak cu Dagon khuathar Ngamoeyait tiva kam ah a namte hliamhma he an hmuh i a nu sinak zong in thi a rak chuak len rih. Hi nu a thattu Myo Zaw Oo hi January 24 zaanlei 2 hrawng ahkhan Yangon khua Mingalar shopping mall ah a thah minu handphone he palik nih an tlaih. Thla 5 chung thong an thlak hnuah thihdantatnak an pek hi a si.

Ref: Phothutaw

Leave a Reply

Your email address will not be published. Required fields are marked *