Tlangbawi Pa Nih Tipil Pek A Timhmi Ngakchia Te A Ttah Ruangah A Bengh Chap/Video

Tipil pek a timhmi ngakchia te cu a ttah tuk ruangah ngam seh tiin tlangbawi pa pakhat nih a bengh. Cawlcangh pahin a ttap tukmi ngakchia te cu a nu nih a cawi pah khin tlangbawi pa nihcun a kuthnih in a lu cu fek te khin a tlaih.

Hi tlangbawi pa hi France miphun a si i ngakchia te a tlaih pah cun “na lu ah ti kan in toih lai i Khrihfa na si ve cang lai” tiah ingpuan pahin a chim len mi zong kha video an thlak mi ahcun theih chih a si. Ngakchia te cu “dai tein um” a ti pah khin a bengh rih.

Cu hnuah ngakchia pa hringtu a pa nih aa tuar ti lo i ngakchia te cu thlah dingin tlangbawi pa cu a chimh. Hringtu a pa nih ngakchia te cu laak a timh nain tlangbawi pa nihcun a thlah duh rih lo. Cu ruangah hramhram in ngachia pa a pa nihcun a chuh hnuah a hmai in tlangbawi pa cu a nam tak. Hi thil a can lio video hi social media cung thlah a si hnuah a hun laar ngai i mi tampi nih tlangbawi pa tuahsernak cu an soisel cio. Khoika biakinn i thil a can belte rak langhter chih a si lo.

Ref:Metro

Leave a Reply

Your email address will not be published. Required fields are marked *