A Tlangval Tthing Tthitumhnak Puai Ah Monu Thilthuam I Hruk In A Rak Chuaklang Ve

Nu pakhat cu a tlangval tthing tthitumhnak puai ni ah monu thil i thuamh in a rak chuaklang ve. Duhdawtnak in caan zeimawzat an hman tti hnuah a tlangval tthing nihhin tthit duh loin a rak kal tak caah hitihin an puai ni theng ah hna a rak hnawh nak hi a si.

Hi thil a can lio hi mi pakhat nih video a rak thlak i social media lak a rak thlah caah chikhatte ah cu kong cu mi tampi nih an caihphai lulh cio. Video chung ahcun tthitumhnak thil thuam aa hruk mi nu pahnih karlak ah nupi tthi tlangval pa cu vansang au khin a um. A nungak tthing a si lai tiah ruah minu cu leng chuak ding khin nupi tthi tlangval nihcun a nawlphiar len.

Nupi tthi tlangval nihcun a nungak tthing cu a kenglei kuh pah khin lenglei chuak dingin a lemsoi len. Asinain cu nu cu a lung khong kho tuk ve a tlangval tthing lemsoi nak cu a duh lo pinah lehthahnak stage cung lei tuah kai aa tim len ko. A dang nu pakhat tu nihcun lungsau ngai khin an buaibainak ah i teltum lem loin a hngak ko hna.

Tthitumhnak puai a ra mi tu hna nihcun a nungak tthing cu tha pe len hna sehlaw a dawh. An au hnawh len i tha an pek len. Video chungah cu tiang lawng a rak langh caah tthtiumhnak puai hi zeitin a dongh ti tu a fiang lo. Social media tu ahcun Africa ram i a cang mi hi konglam hi an caih lulh cio ko.

Ref: Shwemom

Leave a Reply

Your email address will not be published. Required fields are marked *