Biaalnak Ruangah A Tlangval Pa Nih Sianghleiruun Kum Hnihnak A Kai Liomi A Nungak A Hngawng In A Dih That

Nungak tlangval biaalnak ruangah thihnak tiang a chuak tiah Amarapura peng palik nih nihin June 26 an rak chim. Amarapura peng (Taungthaman Auhsuh), Tthantaw khua Shwe Bungtha phungki sianginn hmai ah sianghleiruun kum thumnak a kai mi pa le kum hnihnak a kai lio mi nungak tlangval hna cu bia an i al i a tlangval pa nih cuka hmun ahcun a thah beh.

Hi thil hi nihin June 26 chun 12:30PM hrawng ahkhan a cang mi a si i hi aa duhdaw mi nungak tlangval hna hi Yadanpone sianghleiruun ah ca a cawng lio mi an si veve tiah theih a si. Amarapura peng palik bawi Min Paing Oo nih “nungak tlangval biaalnak sawhsawh men ruangah pa nih a nungak cu a or a dih i a kut a luan sual ruangah a nunnak tiang a dih hi a si. Thi pelpawi tete a ummi tu hi cu anmah le anmah an i kheuhnak ah a chuak mi pawl a si” tiah a chim.

A pehrih mi cu “tlangval pa te cu kan tlaih chung cang nain a report nak tu cu an um rihlo” tiah a chim. A thi minu te hi kum 19 a si i Yadanapone sianghleiruun ah law kum hnihnak a cawng lio mi a si tiah theih a si. Amah hi Tatgong peng Thapyichaung khuate ah a ummi a si. A thattu a tlangval kum 20 pa tu hi cu Moemaik khayaing Mabing peng Wailung khuate ah ummi a si i Yadanapone sianghleiruun ah Geography kum thumnak a cawng lio mi a si ve tiah theih a si.

Ref: news-eleven

Leave a Reply

Your email address will not be published. Required fields are marked *