Falam Khua Ah Lam Chaklei Ummi Lungtum Nih Inn Pakhat Rawk Lak A Cimh Hnawh

Chin ram Falam khua Tlanglo sang Bogyoke lam kam ummi lungtum a tung pe 12 le a vang pe 45 tluk a ngan mi pi cu June 30 chun 12:30 hrawng ahkhan ruah lo piin amah tein a ril i inn pakhat a hrawh tiah theih a si.

Hi lungtum pi hi pe 300 hrawng a san nak lamchak in lamthlang lei ah a rilh hi a si i lamthlang lei ummi Daw Tial Nawn inn a hrawh hi a si. Daw Tial Nawn te chungkhar hi cuka hrawng lam cimh tamtuk ruangah an inn cu chuah takin sahlawh rualchan hna sinah an um chung lio a si caah aa khawngdeng mi cu an umlo tiah theih a si.

An inn chung ummi thilri ummi pawl zong meithat zung ttuan mi hna le mipi pawl bawmhnak thawngin rak lak cia dih a si cang tiah IPRD nih a langhter. Hi ti lam cimh ruangah chungkhar pathum hna zong rualchan dang hna sinah tthial ter chung an si i lamlei ttuanvo ngeitu hna nih lam a khamlo nak hnga an tlangtlak cuahmah tiah theih a si.

Ref: IPRD

Leave a Reply

Your email address will not be published. Required fields are marked *