An I Tthumhnak Khan An Thianh Dih Hnuah “Kan I Lawm” Timi Cattial An Chiah Tak

Japan pumpalulh phu hna an thil tuah cu vawlei cung social media cahmai kip ah thangtthat an tong taktak. Belgium nih 3-2 in an tei hna hnuah Japan pumpalulh phu hna cu an ram kir ding lawng khi a taang cang.

An kir lai teah an i tthumhnak an khan cu thiang tein an thianh dih hnuah “kan i lawm” timi cattial an chiah tak rih. Mitthli he World Cup an chuak tak lai ah Japan mipi hna nih pumpalulh zohnak i an hmunthur an thianh dih pinah pumpalulh a chuih mi hna zong nih an umnak khan thiang tein an chiah hnuah an chuah tak ve hi a si.

Hihi pumpalulh nih aa tinhmi lungput taktak cu a si tiin mi tampi nih social media kip ah Japan mipi le pumpalulh phu hna an thil tuah cu an thangtthat cio hna. Japan pumpalulh phu hna nih Columbia an rak tei hna lio zongah pumpalulh zohnak hmunthur pawl cu thiang tein an rak thianh fawn cang.

Ref:Worldofbuzz

Leave a Reply

Your email address will not be published. Required fields are marked *