Aa Hngilh Kholo Mi Hna Caah Kokek Si Ttha Taktak

Minung pakhat kan ngan a dam khawh nak ding caah nikhat ah suimilam 7 le cheu in 8 kar hi it piak peng a herh. Asinain mi tam deuh cu kan pum nih a herh mi it caan a zat kan it piak tawn lo. Cu nihcun kan pum caah a ttha lo mi ngandamlo nak pawl kha a chuahter ve hna.

Thiamsang sibawi te zong nih zaankhat ah suimilam 7 le cheu in 8 kar na it piak lo nak nih lungzawr zawtnak (depression), zun thlum zawtnak, thinlei zawtnak, thi kai zawtnak, luan tuk in thau zawtnak pawl kha a chuahter khawh pinah na pum chung i zawtnak a dotu tha (immune system) zong kha a tha a der ter khawh rih tiah an chim.

Mi cheukhat cu mah duh ningin an it khawh tuk lo caah an si khawh chung i it khawh nak lam kha an kawl tawn hna. Cu ruangah mitkuh thawtnak si tlang tiang kha an din piak tawn hn. Asinain kokek si tein it khawh nak si ttha rak ser khawh a si ve. A herh mi thil cu um pakhat, banhla ban pi (organic banana) pum khat le nakzik/thakhling (cinnamon) a dip mi kha a si lai.

A tuah ningcang cu um pakhat chung ahkhan ti tlok lakin so piak. Banhla ban pi kha thiang tein ttawl law a hawng kha kheh piak. Banhla kha tan 4 hrawng in na tan piak hnuah a hawng he banhla na tan mi he ti tlok chung ahkhan paih piak hna. Minutes pa 10 hrawng na chuan hnuah daih piak ko. Cu hnuah hrai thiang mi te chungah banhla le a hawng na chuan mi kha zet piak. A hang chung ah nakzik/thakhling (cinnamon) a dip mi tlawm tein paih piak law na it lai fatin din piak peng. Amah belte banhla kha a hawng zong paih chih a si caah a tharhlam mite na hman piak ve lai.

Ref:ER

Leave a Reply

Your email address will not be published. Required fields are marked *