Lungkua Chung Aa Tapmi Ngakchia 12 Le An Saya Pa Cu World Cup Final Zoh Dingin FIFA Nih An Sawm Hna

Thailand ram Mesai khua Tham Luang lungkua chung aa tap mi Tawwat pumpalulh phu ngakchia 12 hna le an saya pa cu Russia ram Moscow khua i July 15 ah tuah dingmi World Cup final rak zoh dingin FIFA nih an sawm hna tiah theih a si.

Cuti sawmnak ca cu FIFA President nih Thailand palik bawi bik sinah July ni 5 ahkhan a kuat tiah theih a si. Ca chung ahcun Tawwat pumpalulh phu ngakchia pawl le an saya pa cu Wolrd Cup final ah mileng dirhmun in an sin an rak phan kho lai tiin aa ruahchannak kong zong kha aa tel chih.

Hi ngakchia hna hi June 23 in khan Mesai khua Tham Luang lungkua ah an i taap hna hi a si. An kawl len hna hnu a ni 10 nak July ni 2 ah hmuh an si tthan nain a tutiang leng ah chuahpi khawh an si rih hna lo. An chuahpi khawh hna nak hnga ding ca Thailand cozah nih lam phun kip a kawl cuahmah tiah theih a si.

Ref: Tachileik News Agency

Leave a Reply

Your email address will not be published. Required fields are marked *