BAWLHLAWH CHHARTU MAI MAI TIA AN HMUHSIT THIN PA DUHTHUSAM A THLENG VE TA

Philippines ram Cagayan de Oro a cheng Jeb Bayawon chu naupangte anih lai in a nu leh pa ten an boral san vangin a hringnun chu țahna mittui tamtak nen a ni. Mahse tunah chuan College pakhatah degree la dinhmunah a rawn ding ve ta ani. Jeb nu leh pa an boral hnu hian a unau dangte chu nupui pasal nei in an awm zo tawh a. Jeb hian ngaihsaktu mi țha a mamawh hle a. Mahse a nu leh pa te tluka ngaihtu a neih loh takah chuan a nun kawng chu a bumboh hle ani.

Mahse a nunna thleng tura a duhber pakhat chu lehkha thiam nih a ni. Mahse chumi thleng dik tur erawh chuan a mumang ang a thlen dik a ngai tihna a ni. Tichuan a tihtheih chhun bawlhlawh chhar a inhlawh chu a intunnunna bul intanna awmchhun a ni. Chawmtu leh enkawltu dang a nei lo chu thuhran, school a kalna sum hi a buaina lianber pakhat chu ani.

Tichuan lehkha thiam alo nihve theihna tur chuan school a kalna sum chu bawlhlawh kar atangin a tuak chho ta ani. Chutiang mi na na na chu a rimchhe ngei ngei dawn tih chu thil chiang sa ani. Chuvangin a hnathawh chauh nilovin zirna rûnah leh zel pawh harsatna a tawng chho zel ani. Mahse zangkhua paw’n bungbut hun a neih angin zawhte paw’n ngiau hun a nei thin. Bawlhlawh kara seilian Jeb atan zangkhua a rawn bungbu ve ta. Phil Island Kids Int’l Foundation, Inc chuan Jeb chu elementary schoola a kal theihna tur a rawn buaipui sak ta a ni.

Tichuan hun engemaw chen hnu ah chuan Philippines rama Midano State University ah English Major in Degree a rawn la ve ta ani. Tichuan kum september thla atang chuan a hna thar tur zirtirtu hna chu a țan ve tawh dawn ani. Tichuan amah țanpuitute hmakhua ve tur dawn sak chu a bat ani tih hre reng chungin amah anga harsatna tawngte țanpuitu nihpawh a rilru lianber a ni.

Ref: Rachfeed

Note : Do not copy and paste.

Leave a Reply

Your email address will not be published. Required fields are marked *