Hringtu A Nu Hmai Ah A Paei Nih Thi Seh Tiin A Lu Ti Ah A Hnim

Kum 12 ngakchia pa pakhat cu a paei nih ti ah a lu a hnim lio le a velh lio video online cung a vah hnuin mi tampi nih a paei tuahsernak cu an soisel. Nuei tthatlonak le tuahsernak cu rak hmuh pah lengmang in rak theih pah lengmang a si tawn. Asinain paei tthalo nupi lei nih i ken mi fa hna biatak te a hun zuanhnawh mi pa le hmuh tu hi cu thing a hung tuk pinah ngaih zong a chia.

Ms H ti lawng in a min rak langhter minu cu a fale an ngakchiat deuh lio te ahhin an pa nih a thih tak. Harsa ngaiin a fale cu a cawmken hna hnuah a fale pa lo tein tthan lai a ruahrem deuh lo caah pasal a ngei tthan. Asinain aa ruah ning bantuk in thil a kal lo pinah an harsat vansan aunak tu aa chap chinchin.

A hram thawkka ahcun an pa Mr L ti lawng langhter mi hi chungkhar caah aa zuam tuk pinah a nupi fale zong a dawt tuk ko hna. An nupa in naute zong an ngei tthan. Asinain a rian kongah thil poipang a um ruangah a nupi le a fale cungah sualpuh tuin a hun i la. Cu lawng hlah amah hrimhrim kha zudin hram a hun i domh. Cu ruangah a nupi fapa kum 12 te cu “nangmah in cawm hlah uhsih law hiti lawmmam hin kan har lai lo” ti pahin fung in a tuk pinah ti ah a lu a hnim i a velh len.

A fapa a velh lio cu video ttha tein an rak thlak dih. A fapa nih a paei cu a nawl len ko buah inn hmai ah a hruai i ti um ah a lu cu a hnim pahin “van ah va kai, van ah va kai” tiin a au hnawh rih. A fapa nihcun biak buin a nawl len nain a paei nihcun a ngol duh baklo. Ti a hnim lioah nausem aa puak mi a nupi nih a kut khat i an pa cu a tlaih len ve. Hi video a zohtu poah an thin a hung hna i a paei cu an soisel tuk pinah video a thla tu cung zong ah mi tampi an thin a hung ve.

Leave a Reply

Your email address will not be published. Required fields are marked *