Inn An Sak Cuahmah Liomi Hmun Tlakrawh Rual Mi Lakah Ca A Zoh Tawn, A Ruang Pakhat A Um

Nu pakhat te cu hi ruang te bak ahhin innsak cuahmah lio mi tlakrawh lakah ca a rak zoh lengmang tawn. Adang a hawile lentecelh in an i nuamh lio caan ah hi kum 11 tuluk rammi nute hi cu sianginn an i khar caan ah innsaknak tlakrawh rual mi cungah ca a rak zoh tawn hi a si.

Tuluk ram Suichuan county i ummi Xiong Jing (kum 11) cu primary sianginn a kai lio mi a si i sianginn khar caan poah ah nu le pa sinah caan a rak hmang tawn. A nu le a pa hi pawcawmnak caah innsak in tlakrawh a rual mi an si. Inn ah um silole lente i celh len loin Xiong cu a nu le pa rian an ttuannak hmun hnachet lak ahcun ca a rak zoh ve tawn.

A nu Zhang Yulan le a pa Xiong Jiangu hna hi tuluk ram Jiangxi peng ah khuasa mi an si. Hmanthlak chung zongah Xiong a nu le a pa rian an ttuannak hmun ah tlakrawh pawl cu cabuai le tthutdan bantuk hmangin ca a zoh lio te kha a rak lang. A hmanthlak nih tuluk ram social media hmangtu mi tampi thinlung a laak hna.

Xiong hika hmun ca a rak zohnak a ruang hi sianginn khar can vah le vaih len loin nu le pa sin caan hman a duh tuk ruangah nu le pa rianttuannak ah ca a rak zoh tawn hi a si tiah an rak langhter. A nu le pa rian an ttuannak a rat fatin a cauk le a ball pen tibantuk pawl kha tling tein a rak i ken tawn. Cuticun a nu le a pa rian an ttuan karah ca a zoh tawn i a pa nih cazohnak caah tiah tlakrawh tete cu tthutdan le cabuai bantukin a rual piak tawn. Cu tluk nu le pa tlaihchan le ca duh cu tiah internet hmangtu mi tampi nih Xiong cu an thangtthat tuk cio.

Ref:OFW

Leave a Reply

Your email address will not be published. Required fields are marked *