Ngakchia 13 Dam Tein A Chanh Hna Nain Amah Cu Ngaihchiatnak Thawngchia Taktak A Dong

Thailand ram Mesai khua Tham Luang lungkua chungah aa taap mi ngakchia minung 13 hna cu Australia rammi Dr Richard Harris tawlrelnak le tlangtlaknak thawng in nungdam tein an chanhchuah dih hna.

Hiti ngakchia lungkua chungin chuah ning kongkau ah Thailand ram PM pa khuakhannak le an siangpahrang pa khuakhannak siloin Dr Richard khuakhan ning tu hin biachah i khamh le chanh an rak si hna hi a si. Asinain ngakchia an hun chuah dih cang hna timi thawngpang ttha vawlei pi cul in an hun thanh hnuah caan rau lo teah Dr Richard cu thawngchia ngaingai pakhat a dong.

Dr Richard thawng a don mi cu “Australia ram Adelaide khua i ummi Dr Richard Harris a pa cu Thailand ngakchia pawl an chanh khawh hna hnu caan rau lo teah a nunnak a liam cang” timi ngaihchiatnak cakuat a don hi a si. Dr Richard a thiltuah tucu hi vawlei pi a hmunh chung poah cu chim dai lo tuanbia dawh a si peng lai a fiang.

Ref:Phothutaw

Leave a Reply

Your email address will not be published. Required fields are marked *