SunTthi Kan Cawk Piak Lai Tiin Thluak Tlamtlinglo Nu A Lemsoi Hnuah A Sualpi Tu Pa An Tlaih

Nizaan July 20 zaanlei pa 2PM hrawng ahkhan Mingking peng No (1) Yuun sianginn le Mayan sianginn karlak No (3) tlangcung pura lungkua chungah pa pakhat nih No (3) sang ummi thluak tlamtlinglo mi Ma Aye Htway cu a lem hnuah nupa sualnak a tuah pi. Cuti a sualpi lio cu cuka sang ummi hna nih an hmuh caah sang upa U Tin Win Sein an theihter i an va tlaih.

Hi thluak tlamtlinglo Ma Aye Htway a lem hnuah a sualpi tu pa hi Rakhine ramtthen Ba Mae peng Lamu Maw khuate ummi Kyaw Min(U Sein Kyaw Win ti zong auhmi) pa a rak si. Hi pa hi hi thil sual a tuahnak pawng Chanmya Thasi phungki inn ah aluancia kum 3 lio ahkhan phungki a rak lut balmi a si. Phungki in a chuah tthannak hi a luancia kum 1 hrawng lawng in khan a sirih tiah theih a si. Ma Aye Htway cu thil sining an hal ve tikah sui tthi kan cawk piak lai tiin phungki a rak luh lioah voi 6 phungki a chuah hnuah voi 1 tiin a ka sualpi tiah a chim.

U Kyaw Min cu sang upa nih thil sual a tuahnak tette he Mingking palik sakhan ah an va ap. Ma Aye Htway a u nu nih a naunu a tlaihhrem tu pa cu tazacuai tibantuk a duhlo nak kong le tthitumhter hna zongah thih hlanlo aa umpi lo ding a fiang ko tiah a chim ruangah Mingking palik sakhan nih thil sual a tuahtu U Kyaw Min cu tazacuai duhtu an umlo ruangah thaizing zinglei a chuak dingmi tilawng in thlah ding an timhtuah tiah theih a si.

Hi kongkau ah Mingking peng thawnglatu hna nih No (3) sang ummi sangmi pehtlaihnak an tuah hna tikah cu thawngpang a um a theihlo nak kong le a um tak ahcun Pohmah 295 le Pohmah 376 in palik nih tazacuai khawh asinak kong pawl kha a rak chim. Cubantuk thil hmah dantatnak an tuah taktak lo ahcun thluak tlamtlinglo mi mi chanbau hna caah runvennak petu phungphai a umlo ti tluk a si hnga.

Ref:mingkingnews

Leave a Reply

Your email address will not be published. Required fields are marked *