Changreu Cawk A Kalmi Tleirawl Ngakchia Nu Pathum An Tlau Beh

Ayeyarwady ramtthen Myaungmya khua ah July ni 20 zaanlei 2PM hrawng ahkhan tleirawl ngaknu no tete pa 3 cu changreu cawk an kalnak in an tlau beh tiah thawng theih a si. Hi hna pathum hi unau tak an si hna lo nain chungkhat naihniam an si hna tiah theih a si.

Hiti a tlaumi nu pathum hna hi Myaungmya khua No(7) Shewkonetaing lam sang ummi U Hla Tint fanu Ma Ei Shwe Sin (kum 16), U Myo Naing fanu Ma Chit Po Po (kum 15) le U Win Ko fanu Ma Aye Pyone Kyaw (kum 17) an si hna. Hi tleirawl nu pathum hna hi an inn pawng rian an ttuan tlawmpal ah changreu cawk ah an kal hna i cu in cun inn hlam tilo in an tlau beh hna hi a si.

Cu ruangah nulepa hna nih sang upa sin le Myaungmya khua palik sakhan ah reportnak an tuah colh ve. Hi kongkau ah Myaungmya khua palik pakhat nih “sakhan ahcun report an rak tuah cang. Rian an ttuan lio changreu cawk an kalnak in an tlau beh hi a si tiah nulepa nihcun an chim. Zei rian an ttuan ti belte cu an chim chih lo. Thil sining dothlatnak kan tuah cuahmah ve” tiah a chim.

Ref:MMO(Pathein)

Leave a Reply

Your email address will not be published. Required fields are marked *