US Ummi Myanmar Nu A Inn Khan Bizu Chungah A Ruak Tuam Buin An Hmuh

America ram New York peng Brooklyn khua ttaik khan pakhat chungah a thimi Myanmar nu ruak cu amah a itnak khan chung bizu chungah itphah tuam buin an hmuh tiah theih asi. Hiti a itnak khan bizu chung i a ruak in an hmuhmi Myanmar nu Daw Kyi Mar Thein kum 58 hi a tlaunnak nithum a rauh hnuah hibantuk in a ruak in a inn cia ah an va hmuh hi a si.

Daw Kyi Mar Thein hi Brooklyn khua ummi SUNY Downstate Medical Center ah nurse a ttuan mi a si i kan hnulei nithum ni july 18 ahkhan a rianttuannak hmun phan loin a um caah an kawl hi a si. Nizaan July 21 ahkhan Daw Kyi Mar Thein a hawile nih thinphang in a umnak inn Eat Flatbush ttaik khan ah an rat hnawh tik ahcun a ruak in a inn cia ah an hmuh hi a si.
Myanmar
Daw Kyi Mar Thein ruak hi palik pawl nih an chek tikah tukvelhnak pakhat hmanh a um lo pinah cuka a um zong cu ahohmanh nih theih dawh a silo tiah an chim. Cuka ttaik khan chungah tukvelhnak a um maw timi theih a si rihlo tiah an chimmi cu New York Daily News nih a rak langhter. Daw Kyi Mar Thein thawngpang an theih hnuin a hawile cu a umnak hmun an rak panh cio hna. A thimi Daw Kyi Mar Thein nih sibawi a ttuanmi fapa pakhat a ngeih tiah innpa pawl nih an chim.
Myanmar
A luancia thla hnih lio in khan Daw Kyi Mar Thein nih kum 23 minung amah he rianttuan tti mi a sinah a um ter ve tiah amah he ttuanti hawi pakhat nih a chim. Amah he an um tti minu zong cu a tu hi khoikha a um ahohmanh nih an thei lo. Daw Kyi Mar Thein hi khualtlawm a uar ngaimi a si i ram tampi zongah khual a tlawng tiah a hawinu pakhat nih a chim. A thimi nu a ruak chekhlatin a thihnak a ruang palik nih an dothlat cuahmah tiah theih asi.

Ref:Duwun

Leave a Reply

Your email address will not be published. Required fields are marked *