IN NEITUTEN AN HNAWHCHHUAH HNUAH KAR HNIH CHHUNG AN HREN BAKAH A LEIBA ANLA RULH TIR ZUI

Ramdanga hnathawh hi thil awlsam leh huam a van tling lo tehreng em. Chhungkaw tana theihtawp chhuahtu annih inhre renga harsatna tam an paltlang hi hriathmaih sak chi a ni lo. Kuwait ram hi ramdang mi hnathawk tura kotute zinga ram khat an ni a. Kuwait ah hian a bik takin ramdang mi hnathawk tura an koh tlangpui chu maid tura ko an nitlangpui a ni. Mahse hman nilawk atang khan maid lak chu a titawp a. Tin, anlo lak tawh sate pawh an thawn hawng mek a ni.

Kuwait sorkar in maid tamtak a thawn kir chuah chuah te zingah chuan dinhmun inang lo tak tak an nihlawm a. Thenkhat te chu anlo inkhawl hman tawh hle hlawm a. Thenkhat erawh engvak la thawkchhuak hman lote an ni. Chutihlai chuan philippines nu Aida Gullermo-i erawh mittui nen an ram lam a pan alo ngai ta a ni.

Kuwait rama maid a awm Philippines nu Aida Gullermo hi a vanduaina a thuahhnih hle a ni. A awmna ten a hna atang hian an ban satliah lova a hnawtin an hnawt chhuak a ni. Tichuan Kuwait police ten an man zui nghal a. Lock-up angrengah kar hnih chhung an hren hnuah agency lamin an rawn la chhuak a. Tichuan agency lam chuan Aida-i chu an va khulhchhuah man, kuwait a kalna man” te ala bat thu an hrilh zui nghal a ni. Chuvangin leiba thuahhnih nen an rama kir leh anih takah chuan a thiante zingah pawh anichuan țahna hlir in hun a hmang bik a ni.

Chutia midangte zinga țap reng bik Aida chu a thiante chuan lainat in an theih angtawk te te in țanpuina an pe liam liam hlawm a. Chu ringawt pawh chu a tan chuan lungchhiat ti zualtu a ni. Chuvang Aida-i chung thu vang hian a agency lam pawh chhui chiang vat tura tih an ni.

Ref:OFW Community

Leave a Reply

Your email address will not be published. Required fields are marked *