Nam In Minu Hngawng A Hmuah Pahin Zaam Aa Timmi Pa Cu

Nai hrawng te ahkhan pa pakhat nih nam in minu hngawng a hmuah pahin zaam aa timhnak video cu social media lakah a hun laar. Video chungah pa pakhat nih minu cu a hnulei in fek te khin a tlaih hnuah nam in a hngawg ah a timh. Minung pakhat khat cawlcangh an i palh sual ahcun minu hi a thi colh ding khi a si ko.

Hi hna pawngkam ahhin mi tampi an um ko hna. Asinain mi nu a nunnak caah thinphang asi lai tiin duh poah in ahohmanh an cawlcang ngam cio hna lo. Cu ruangah mipi nih palik sinah thil sining cu report an tuah colh. Palik nih cu thawngpang an theih le cangka thil a cannak hmun ahcun an ra colh ve hna.

Thil sining zoh tikah mipa nihhin cuka hmun in luatnak ding caah mipi cu motor hal hna seh law a dawh. Minu cu a hngawng nam hmuah pahin motor kutka aa ong cia mi lei ahcun a tawn pi. Motor chungah minu a hun luh pi bak ahkhin palik pawl nih an naih i a namte cu an chuh khawh colh. Minu cu an khamh khawh i misual pa tu cu a herh ning dantat dingin palik nih an kal pi.

Ref:Feedy

Note: Do not copy

Leave a Reply

Your email address will not be published. Required fields are marked *