A Hrincia A Fanu He Fa Pa 3 A Ngeimi Pa Thongthlak Asi Cang

Ashraf Khan tiah kawhauhmi kum 81 tarpa nih a hrincia a fanu cu hramhram in a sual pi tawn. Cuti sual a tuahmi ruang ahcun kum 4 chung thongtla dingin biacaihzung nih bia a chah piak. A sualpi tawn mi a fanu nih Khan he fa 3 an ngeih hna. A fanu nihcun a pa a ttih ruangah thil sining cu a phuang ngam ballo nain kum saupi a thuh hnu sizung ihkhun cung a it hnuah a ton mi thil cu a phuan dih.

A fale nih a nu tuarinnak caah tiah fak piin an i zuam i an pa an pu Khan cu 2012 ahkhan palik nih an tlaih khawh. Tarpa Khan nihhin cuti sual an puhnak vialte cu a al dih hna nain DNA cheknak an tuah hnu tu ahcun a al kho ti hna lo. Cu ruangah biacaihzung nihcun a sualpuhnak kong ah bia an chah piak hi asi. Khan dan an tat mi hi a tawi tuk tiin biacaihtu zong soisel a tong taktak. An sihni pa chim ningah Khan te chungkhar hi Pakistan ram ah a chuakmi an si a ti.

Pakistan ram in England ram Bradford khua ah aa tthial mi an si i a tlaihhrem tawnmi a fanu cu 1980 kum ahkhan mirang pa he an i um. Khan nihhin fanu fapa an zapi minung pa 6 a ngeih hna. Cu chungah a fanu pakhat hi inn dang chuak loin a pa sin a um caah a pa nihcun cuti a rak sual pi lengmang nak hi asi.

A thih lai teah a pa he an ngeihmi a fale pathum cu hi vawlei ah a kal tak hna. Cuti a dam lo lio sizung ihkhun cung a it ko lio ahcun a fale pa 3 cu thil sining kha a chimh hna. A fale nihcun an pu an pa tuahsernak tthalo cu an i zuam i an phozar dih. A fanu tiang hmanh a zuah lomi tar hur Khan cu thong chungah chiah asi cang i biacaih zung ah nawlnak ca a ttial mi zong an hnon piak tiah theih asi.

Ref:mirror

Leave a Reply

Your email address will not be published. Required fields are marked *