Sifah Tuk Ruangah Hi Vawlei Aa Dawhnak Hmuh Caan A Ngei Tilo Mi Ngakchia Nute

Magway ramtthen Taungman khuate in Minbu khua ah Ko Aung Htay le a nupi cu khua a hmu kho tilo mi an fanu te he July 28 ahkhan an rak phan hna. Cuti Minbu khua an phanh khawhnak zong hi an theihhngalh mi pakhat lam hmuhsaknak thawng in asi rih. An fanu te cu a min ah Tin Zar Lwin ti asi i kum 2 le thla 3 minung te asi. An fanu te cu a chuahka tein a mit pahnih a caw mi asi caah anmah he aa naihniam mi sikhan ah nu le pa nihcun an rak piah tawn. Asinain sikhan an i piahnak nihcun Yangon khua ah kalpi dingin an fial hna nain tangka an ngeihlo ruangah an fanu te cu tuan ah an kal pi kholo.

2018, January thla ahkhan tangka a miak cham te dingin an cawi hnuah Yangon khua ahcun an va piah. Cu ahcun ngaihchia ngain an fanu te orhlei mit cu cancer a rak si cang ai. Cu ruangah a orhlei mit lung cu sibawi te nih an chuah piak. A kehlei mit tu hi cu ttha te thlopbul ahcun sibawi te nih khua a hmu kho hrimhrim lai tiah an chim. A voikhatnak Yangon sizung pi an rat pi ahhin ni 14 chung sizung ah an um i tangka harsat tuk ruangah nu le pa cu rawl tthittha tein an ei kholo.

Yangon sizung pi nih a kehlei mit operation tuah ding ni cu a ra laimi Aungust 5, 2018 khi a ni an khiah piak hna. Asinain nu le pa nih tangka an kawl khawh tilo ruangah bawmhhal in Magway chiattthat zohkhenhnak phu hruaitu Ko Moe an va panh. Nu le pa nih an fanu te thih hlanlo mit khua hmu lo te um lai ding cu an ruat kho hin lo. Tangka ruang i mit khua hmu tilo dingmi khua hmuh ter nak dingah tangka bawmhchanh khawh asi.

Bawmhchanh a duhmi hna nih
Ko Moe (Magway Chiattthat zohkhenhnak phu)
☎09 5341641
☎09 968888001
☎09 698888001
👨U Hla Moe Aung
💳KBZ Bank Account
18530102400723601
💳CB Bank Account
0037100100003301
💳AYA Bank Account
0062201010037794

Credit: Ko Moe

Leave a Reply

Your email address will not be published. Required fields are marked *