A THIANTHA BER NEN GRADUATION DAY AH ( VIDEO )

Aug 7 ( Senhripari ) World news

Hetiang nikhua hi kan dam chhunga kan hun tawn hlimawmber lai te zinga mi an ni. Hetiang nikhuaah hian kan rilrua kan ngaihpawimawhberte hi awm ve se, hmu ve se, tel ve se, tih baka thlakhlelh kan nei lo. Chuvangin he nula chhe lo tak pawh hian a thianthaber chu a huntawna hlimawmber te zingah a tel tir ve a ni.

America ram Taxes state a kum 21 mi Makenzie Noland chuan an graduation day ah a thianthaber awle ( crocodile ) hnenah hun a hmang mai nilovin thla a lakpui hial a ni. A hun tawn tawh a hlimawm laiberte zinga miah chuan a thianthaber awle,13 feet lai sei, Big Tex tia an koh bulah hun a hmang a ni.

Kum 21 mi Makenzie Noland-i thiltih hian social media lamah lawm a hlawh takzet a. Mahse seltu pawh a neinual tho a ni. A mihring pui, a nu leh pa leh thiante an awm lo em ni? Tihte chu thenkhatte comment na a ni.

Mahse Noland hian nungcha humhalh lam hi a tuipui em em a. Chuvangin tuntumah hian a takin a lanchhuah tir a ni. He awle, Big Tex tia an koh 13 ft lai a sei nen hian kumin may thla atang khan an inhmelhriat ve a. Mahse Noland hian nungchate hi humhalh a pawimawh zia hi chiang zawk a midangte hrilh hriat a duh vangin ti hian a tita a ni.

He awle, Big Tex tia an koh hi Taxes state a Wildlife and Fisheries Science te enkawl mek a ni. Source: Daily Mail

Leave a Reply

Your email address will not be published. Required fields are marked *