THLA 6 CHHUNG LEKA MI MAKTADUAI 30 CHUANG THIH PUK THEIHNA NATNA HRILENG THEI DANG TURIN BILL GATE-A’N A SUM TAMTAK SENG DAWN

Aug 9 ( Senhripari ) Milârte news

Khawvel hi a thim zawnga thlir chuan thlaphanna hlir a ni. Khawvel tukverhah han dak ila ram leh ram inepna leh hnam leh hnam indona te, sakhua vanga buaina ten khawvel hi a chimpil mek a ni. Tunah hian natna hlauhawm tak, thla 6 chhung leka mi maktaduai 30 chuang suat theitu hrang maithei dinhmunah a ding mek a ni.

Karkalta zirtawp ( August 3 ) ah khan Masachusetts Medical Society leh New England Journal Of Medicine te huaihawt in natna hlauhawm tak, thla 6 chhunga mi maktaduai 30 chuangte thihpup theihna chu lo chhuak maithei dinhmuna a din mek thu sawiho a ni.

A hming han vuah mai tur erawh chiang fakin anla hre lova. Mahse chutiang natna chu khawvel pumah lo piang chhuak maithei dinhmunah a ding mek a ni, tih a ni. Hetiang deuh hi 1918 kumah alo thleng tawh a. Mizoram lamah chuan kan pi leh pute chuan hripui anlo timai niin ka hria. Thenkhatte phei chuan tualte khua pawh he hripui vanga țiak darh zo anni, an ti.

1918 kuma hrilengah khan thla 6 chhungin mi maktaduai 30 vel thi hman anga chhut a ni a. Chu natna vanga thi zawng zawng erawh maktaduai 50 vel nia chhut a ni. Chuvangin khatiang deuh natna hrileng chu tunah hian rawn chhuak leh maithei dinhmunah a ding mek nia hriat a ni. Chuvangin chu natna hrileng țihbaiawm tak chu alo pian chhuah lohna turin Bill Gate chuan sum tamtak sengin mithiam rualte a dolet tir dawn a ni.

Engvanga lo chhuak nge? Engtia do tur nge? Chhuak loa dan theih a ni em? A damdawi a awm em? Tih zawng zawng zirchianga finfiah vek turin Pu Bill Gate chuan a sum a thawh leh dawn a ni. Lalpan malsawm mawlh rawhse. Ref: Business Insider

Leave a Reply

Your email address will not be published. Required fields are marked *