A THIANNU KUM 16 MI CHU FEET 60 LAIA SÂNG ATANGIN A NAMTHLA

Thiante kan fiam dawn anihpawhin a awmtawk chin deuh chu a awm tih hre lotu chu mi mawl tak a ni. Fiamthu mai mai nia kan ngaih pawh hian awmze thui tak nei fiamthu a awm thei a. Infiamna mai mai kan tihpawh hian thil pawi tak a thlen thei bawk tih finfiahtu chu heihi a ni.

August 7, 2018 khan Moulton Folls hmunah chuan kum 16 mi Jordan Holgerson chu a thiannu chuan feet 60 laia sâng atangin a namthla a ni. Jordan hian hliam natak tak a tuar nual a. Mahse a nunna tan erawh hlauhthawn awm loh dinhmunah a ding tawh, tih a ni.

Anihna takah chuan helai hmun atang hian inbual turin emaw inti hlim turin emaw an zuangthla fô a. Chuvangin Jordan-i pawh zuanthlak tum angin a in ruahman ve a ni. A thiante pawn vawihnih meuh zuangthla ngei ngei turin anlo nawr ve a ni. Mahse Jordan-i hian a ngam chiah lo deuh a ni.

Chutia tum leh tum lo inkara a awm vel laitak chuan a hnunglam atangin a thian nun a rawn nam ta a ni. Tichuan zuangthla nitawh lovin a phar thla ta vuan vuan mai a ni. Chuvangin a nakruh pawh pa 5 meuh a tliak a, a ke lamah a hliam nual bawk a. A chuap pawh a thler tih a ni a, chu lo thil dangah pawh a hliam nual a ni. Mahse a nunna erawh chhan theih dinhmunah a ding’ tih a ni. Chuvangin fiamthu leh infiamna kan tihte pawh hian awmchin, tawk chin a nei tihhi hriat ani.

Ref:Westernjournal

Leave a Reply

Your email address will not be published. Required fields are marked *