MUSLIM BUKNA BER NORTH JAKARTA KHAWPUI CHU REI LOAH TUIFINRIAT IN A CHIMPIL DAWN

Aug 14 ( Senhripari ) Khawvel

Islamic sakhua zuitu muslim-te kaldung kalvang chu keini chauh nilovin khawvel in a hmelhriat chiang tawh hle a. Sakhuana vanga buaina chawkchhuak ber thintute an ni. Myanmar ah pawh Buddhism firfiak antam’ tih a ni a. India ah Hindusm firfiak an awmnual bawk. Mahse ram dangah chuan an va hnawksak ngam chuang lo, tiin sawi ta ila a sual hran lo maithei.

Khawvela muslim tamberna ram chu Indonesia hi a ni. Indonesia ram khawpuiber chu Jakarta a ni. Northern Jakarta chu kum 10 chhungin 13 ft lai in a tlahniam thin a. Chuvangin chutiang thil chu an ti danglam thei lo anihchuan rei loah northern jakarta chu tuifinriat hnuaiah a awm tawh dawn a ni, tiin hetiang lama mithiam bik leh zirchiangtu Heri Andreas chuan a sawi a ni.

Jakarta khawpuiah hian mihring maktaduai 10 dawnlai an cheng a. Tun ang zel anihchuan kum 2050 ah chuan northern jakarta chu tuifinriat in a chimpil vek tawh dawn a ni. Anihna takah chuan tunah pawh hian northern jakarta a in thenkhat chu tuifinriat tui hian a rawn chim țan tawh a ni, tiin in neitu ngei Fortuna Sophia chuan a sawi.

Hetiang lama mithiam leh helai vel dinhmun zirchiangtu Heri Andreans chuan northern jakarta chu kum 2050 ah chuan 95% chu tuifinriat in a chimpil vek tawh dawn a ni. Mahse chu chu thil mak leh dangdai erawh a tling pha lo ang. A chhan tun atanga chhut chuan thilthleng ngei ngei tura chiang sa anihzawk vang a ni, a ti. Tunah pawh thil thlen dan chu a chiang tawh hle a, a thleng mek tawh a ni, tihtheih hial a ni, a ti. Muara Baru lamah phei chuan a chiang tawh takzet a ni, a ti.

Hetiang thil hi tun atanga tih danglam dan ngaihtuah vat vat anih loh chuan kum 2050 ah chuan mi maktaduai telte chu tuifinriat in a dawlh vek tawh ang” a ti. Source: BBC

Leave a Reply

Your email address will not be published. Required fields are marked *