ZOLLIPOPS COMPANY DINTU CHU KUM 13 MI A NI

Aug 15 ( World news )

Americans hohi engvanga hausa bik em em nge maw annih le? Khawvel a company lâr tak tak lahhi a tam zawk chu american company an nideuh zel a. Tuntuma kan han tarlan pawhhi american hmeichhe naupang kum 13 mi din company a ni.

American naupang kum 13 Alina Morse-i din Zollipops ( Candy Company ) chu tunah chuan US$ maktaduai tamtak manhu alo nita der mai. Nitin in america rama dawr lian deuh deuh dawr 7500 ah sem chhuah reng a ni. Naupang lawm tih nimahse naupang chauh in anlo lawm bik lova, puitling hlei hlei nitina ei tam ber bertu, lei tambertute an ni. A company chu pawnlama a lan danah chuan a ho angreng viau a. Mahse a chhunglamah chuan pui ru tak a ni. Nitin full-time a hnathawk chu mi 6 te an ni. Nitin mi 6 te hnathawh/ thawhchhuah chu dawr lian tak tak dawr 7500 ah sem chhuah ziah a ni.

He company CEO hi kum 13 milek ala ni a, chu ti chung chuan a company din thawhchhuah chu dollar maktaduai tamtak manhu alo nitader mai. School kal lai ala ni a. Mahse he a company hmunah hian office a nei a, tahchuan an school lam thil chu a chingfel thin a. Tichuan a hna pawh a khaihlak phah chuang lo. Alina Morse hian he company a din chhanchu kum 6 kalta ( 2012 ) kumah khan a pa nen kawngkama an zawrh Lollipop chu an lei a. Tui a tiin a rilru a hneh hle a ni. Chutih hunlai chuan Alina Morse chu kum 7 lek ala ni. A pa nen an thil ei Lollipops chu a kham lo hle a, nitin mai ei a duh reng ta a. Mahse chuchuan ngaihtuahna thar a siam sak a, amah ngei in siam chhuah a tum tazawk a ni. Tichuan kum 2 chhung chu a ngainat em em Zollipops siam chhuak tur chuan a buaipui a. Kum 9 mi alo nihchuan alo hlawhtling ve ta a ni. A thil siam chhuah te chu Amazon lamah thehlut in, Amazon chuan hmun 4 then hmun khat a hauh a, internet lamah alo tlangzarh sak nghal a. A rawn lâr chho zel a, Steve Harvey Show ah an Interview leh a.

Tunah chuan america rampum chu sawi loh ram dang dangah pawh pek chhuah alo nita a. Hmeichhe naupang kum 13 mi kutchhuak Zollipops chu thla tin dollar maktaduai 5/6 inkar hralhchhuah alo nithei ta a ni. Chuvangin alo hming thang chho ta” Entrepreneur Megazine a Lakshmi Varanasi chuan ti hian a rawn ziak ta a ni” How This 13-Year Old Entrepreneur Built a Multi-Million Dollar Candy Company” Source: PTT

Leave a Reply

Your email address will not be published. Required fields are marked *