CHINA COMPANY PAHNIH CHUNGAH DONALD TRUMP A CHE LEH TA

Aug 16 ( World news )

He indona hi a tawp mai rih dawn lo, China lahin tlawm zawk nih a tlawmla rih si a. America lahin hnehtu zawk kan ni tiin an phur thar sauh sauh zawk emaw tih tur a ni. Tuntuma Donald Trump hmalakna chu Tariff ( chhiah lak ) lam nilovin a dang leh hret a ni.

President Donald Trump chuan China Company pahnih” Huawei leh ZTE” te chu sorkar office lamah chuan hmang tawh lo turin hming a sign hnan leh ta. Anihna takah chuan Huawei leh ZTE mai nilovin Hytera Communications Corp, Hangzhou Hikvision Digital Technology, Dahua Technology leh CCTV Company” te pawh an tel nghal a ni.

Heng Company pahnih Huawei leh ZTE” te hi ram himna tiderthawng nei anni, tia ngaih a ni. Heng Company pahnih te leh a kaihnawih, a chunga kan tarlan te zawng zawng pawh sorkar hmun pawimawh leh office lamah chuan kum 2 chhung chu hman phal loh a ni dawn ta. Mahse mipui nawlpuite chuan an duh duhin an lei in an kawl thei tho a. Mahse sorkar hmun pawimawh leh sorkar office ah erawh hman chu sawi loh lak luh/ pai luh pawh phal a nilo ang.

Hman ni lawkah South China Sea a China thiltih ruk America in a phawk hnu leh North Korea nen anla insumdawn tawn zel tih a man chian hnu leh Iran Oil lei chhunzawm zel ala tum thuah Donald Trump chu China sorkar chungah a lungawi lo vawrtawp a ni. Tunah chuan hriamhrei tellova lu lakna hlir in China sorkar chu a veh tawh dawn a ni. China hian a dawl rei meuh a ngem? Ilo thlir zel phawt ang! Source: Daily Mail

Leave a Reply

Your email address will not be published. Required fields are marked *