NORTH KOREA SUMDAWN PUITU COMPANY PATHUM HREK AN NI LEH TA

Aug 16 ( World news )

America president tawh a zawnga huaisenber nihial tura mawi Mr Donald Trump zet zawng alo theuneu lo rem rem kher mai. America ropuina thuruk zawng zawng chu khawvel in a hmel hriattir tiin sawi ta ila a sual viau ka ring lo.

Kim Il Sung atanga Kim Jong Il chithlah kal zel Kim Jong Un lal ram chuan a pu atanga a chhawm khawvel hnuchhawn zawnga hmalakna kaltluang zel chu President Donald Trump sorkar chuan hmehmih ngei tumin beihpui a thlak tiin sawi ila a sual hran lo. Ralthuam em chu la chelek lo mahse țamchhawl a hren char a tum a ni.

Singapore a Kim-Trump summit hnuah north korea lamah thil duhawm lo ala thlen zui zel takah chuan chiang zawk leh khauh zawka hrek belh chu America thil tum a ni. Tichuan north korea/ Kim Jong Un chu thuthmuna riltama khur zawih zawih turin a hual bet tan ta a ni.

Mahse China Company Dalian Sun Moon Star International Logistics Co. Ltd. Leh Singapore Company SINSMS PTE LTD. Leh Russia Company PROFINET” ten anla sumdawn pui zel avangin america sorkar chuan August 15″ khan heng Company pathum te chungah hian hrekna/ hremna lek a tum ve leh ta a ni.

Heng Company pathum” Dalian Sun Moon Star, SINSMS Company leh Profinet” te hian lehkha lem hmangin north korea nen hian anlo insumdawn tawn char char a. Chu chu tunhnaiah hian north korea chuan Nuclear program ala chawlhsan loh vangin America chuan chiang takin Company neitu ram te nalama rawn tarlangin a hrek tur thu a puang zui nghal a ni. Source: Daily Mail

Leave a Reply

Your email address will not be published. Required fields are marked *