EUROPE KHAWMUALAH NAUPANG HRI A LENG NASA

Aug 22 ( World )

Europe khawmual chu ram hausate awmkhawmna khawmualpui bik deuh a kan ngaih an ni a. Mahse hrileng leh khua rel chhiatna lakah chuan an bang bik reng reng lo. Tuntuma hrileng pawhhi ram changkang zawka piang naupangte natna nitura mawi lo hial a ni, a tihtheih mah na.

Kumin 2018 kum tir atanga kum chanve chhunga thilthleng an chhutnaah chuan kum dang zawng ai in kumin chhunga Sentût ( measles ) natna hi a turu buru zual a. Kum dang zawng ai in sentut vei naupang pawh an tam zual, tiin WHO chuan a tarlang a ni. Kum chanve chhung lekin sentut vanga naupang thite hi mi 37 vel nia chhut a ni.

Tin, sentut natna vei naupangte hi mi 41,000 vel nia chhut a ni. Kum hmasaah chuan sentut vei naupangte hi mi 24,000 nia chhut an ni a. Kuminah chuan kum chanve chhung lekah pawh mi 41,000 vel daih an ni, tih a ni. Europe khawmual a sentut vei tamna ram te chu ;

1. Serbia

2. Ukraine

3. Georgia

4. Greece

5. Romania

6. Italy

7. France

8. Slovakia

9. Russia

10. UK” te an ni. WHO” hotu Dr. Mark Muscat chuan hetiang a thlen theihna chhan chu nu leh pate daithlan vang a ni, a ti. Source: BBC

Leave a Reply

Your email address will not be published. Required fields are marked *