SOUTH KOREA SORKAR CHUAN BENGNGAWNGTE INTUNNUNNA TUR HNA PE DAWN

Aug 22 ( World )

A rampumdap a pianphunga rualban tho si hna zawn kawnga harsatna tawng fôtu chu bengngawngte hi an ni. Chuvangin chung mite chhawmdawlna tur leh an intunnun vena turin sorkar chuan an thawh awm tak hna a pe dawn a ni.

South Korea ram Seoul khawpui a cheng bengngawng engemaw zahte chu hna nei lova an vak rawlai mai mai leh miten mi-ang lo hmuh a an hmuh te thin te chu Sorkar chuan anmahni chhawmdawlna turin Taxi Driver hna a pe dawn, tih a ni. Mi-ang lo an nih loh zia hi a ram mipuite paw’n hria sela. Tin, a ram chu hna neih loh vanga harsatna tawng fôte sutkianna hmahruai a nithei tura ngaih a ni.

An bengngawng vanga harsatna an tawn bik lohna turin Coatus Company chuan Bengngawngte hman tur bik thil a siam chhuak a ni. Tichuan taxi khalh kawngah chu thil chuan a pui dawnna, taxi hmang duhtutetan pawh harsatna awm lovin tluang takin a kal dawn a ni.

Taxi chhungah chuan ding leh veiah Computer dah a ni a, chu computer ah chuan korean tawng” Goyohan” antih tawng ngei in driver chu an kal duhna hmun an hrilh mai dawn a ni. Chu chu Silent Taxi” tia a hming chhal ani ang. Chung APP leh a kaihhnawih engkim pawh tih fel vek tawh a ni, tih a ni.

S. Korea rampumah hian piangphunga rualban si beng lama harsatna tawngte hi mi 250,000 vel an awm nia hriat a ni. Chung mite chuan beng lama harsatna an tawn a vangin hnathawh lamah an buai fô tih a ni. Chuvangin tunah chuan a tam zawkte chuan hna duhawm tak, Silent Taxi” antih driver tur chu an nithei dawn ta a ni. Source: BBC

Leave a Reply

Your email address will not be published. Required fields are marked *