ABU BAKR AL-BAGHDADI A RAWN INLÂR LEH TA EM NI?

Aug 23 ( World )

Donald Trump a rawn President hnu hian ISIS te dimna awm lova chumchilh annih takah chuan an thawm a dai chak rep rep khawp mai. Khawvelah an darhsarh zo tawh nia rin theih khawp in an thawm a dai a ni. Mahse nimin maiah chuan thawm thar hriat tur a awm leh ta.

Kum 1 tha an thawm hriat tur mumal a awm tawh loh hnuah an hotu Abu Bakr al-Baghdadi chuan thawm a rawn nei leh ta. Thisen chhuah chaka tuihal mihring thah chu ui leh ar thah tluk pawh a ngai lo ISIS te chu an ze ngaia kir leh a, khawvel ti ralti leh turin a rawn fuih thar leh niin al-Furqan chuan a sawi. ISIS hran laia an hman lârber al-Furqan chuan thawhleh ni khan minute 54 laia rei Abu Bakr al-Baghdadi thu chah, ISIS member hlun leh an sangawi zawnpui deuhte chu huaisen taka an nunhlui a kir leh turin a fuih, tiin SITE Intelligence Group chuan a tarlang.

Minute 54 vela rei Abu Bakr al-Baghdadi thu sawiah chuan hmanraw changkang emaw lam a pawimawh lo. A pawimawhber chu huaisenna leh tumruhna zawk a ni, kan hneh leh hneh loh lam nilovin kan ti, kan ding, kan thawk” tih zawk hi a pawimawh zawk chu a ni, a ti. SITE Intelligence Group lam thil hmuhchhuah chu america Intelligence lawk deuh ten an chhuizui nghal a. Mahse minute 54 laia reia thu sawitu, ISIS intuaithar leh tura fuihtu hi Abu Bakr al-Baghdadi ngei ani tih an chiang lo, tih a ni.

Pendagon lama ISIS buaipuitu, mawhphurna latu deuhber Chris Maier chuan he thil hi amah ( Abu Bakr al-Baghdadi ) ngeipawh thil nithei tho a ni. A chhanchu a thihna hi finfiahna chiangkuang ala awm thei lo, a ti. An hriattheih chinah chuan ISIS 98% chu an zizut zo tawh anga ngaih an ni a, a bang la awmchhun te chu Hanjin khawpuiah hualbeh mek an ni, tih a ni. Source: VOA

Leave a Reply

Your email address will not be published. Required fields are marked *